அப்பாவி மனைவியும் அதிர்ஷ்டசாலி கணவனும்

அப்பாவி மனைவியும் அதிர்ஷ்டசாலி கணவனும் .


நேற்று வேலையில் இருந்து வீட்டிற்கு வந்ததும் என் மனைவி எனக்கு காபி போட்டு கையில் வந்து கொடுத்தாள்( ஆஹா பதிவு எழுதும் போதுதான் இப்படி எல்லாம் கனவு வருவது போல நினைத்து பார்த்து எழுத முடிகிறது,, இப்படிப்பட்ட கனவுகள் கண்டால் அது நிறைவேறுமா என்று நான் அப்துல் கலாமை நேரில் வந்து கேட்பதற்கு முன் அவர் போய் சேர்ந்துவிட்டார்... நல்ல மனுஷன் அதனாலதான் என்னை சந்திக்கும் முன்னே போய் சேர்ந்துவிட்டார்)

ஆ எங்க விட்டேன் என் மனைவி கையில் காபி கொண்டு வந்து கொடுத்த இடத்தில்தானே...

அப்படி காப்பி கொடுத்துவிட்டு அவள் எங்கிட்ட பேச ஆரம்பித்தாள் .அப்போது அவள் என்னங்க ....கடைசியாக நீங்க எப்ப என்னை மிக அழகாய் இருக்கிறாய் என்று சொன்னீங்க என்று கேட்டாள்..


அவள் கேள்வியை சீரியஸாக நினைத்து நானும் யோசிக்க ஆரம்பித்தேன்... நான் யோசிக்க நேரம் எடுத்து கொண்டதை பார்த்தது அவள் பொறுமை இல்லாமல், சரி.... சரி ....நீங்க யோசிப்பதை நிறுத்துங்க.... நானே சொல்லிடுறேன் நீங்க கல்யாணம் ஆன முதல் ஆண்டு சொன்னீங்க அதற்கு பின் நீங்க சொல்லவே இல்லை..


இல்லைம்மா நான் வந்து........

நிறுத்துங்க நிறுத்துங்க... உங்களை பற்றி எனக்கு நல்லா தெரியும் ...இத்தனை வருஷம் நான் உங்கிட்ட குடும்பம்  நடத்தின எனக்கு நீங்கள் என்ன சொல்ல வருவீங்க என நல்லாவே தெரியும்...


இல்லையம்மா நான் என்ன சொல்ல வறேன் என்றால்.....


நீங்க சொல்ல வருவதை நிறுத்துங்க.... இப்ப என் கேள்விக்கு நீங்கள் பதில் சொல்லுங்க... இப்ப ரீசண்டா நீங்க யார்கிட்டே எந்த பெண்கிட்டே அழகாகா இருக்கிங்க என்று சொல்லி இருக்கீங்க(என் மைண்ட் வாய்ஸ் நிச்சயம் அதிரா மற்றும் ஏஞ்சல்கிட்டே சொல்லி இருக்கமாட்டேன் காரணம் அதிரா ஊஞ்சலில் ஆடும் பேய் ,,ஏஞ்சல் ஒரு காக்கா/சேவல் )

உம்ம்ம்ம் அது வா நான்.....


இங்க பாருங்க நீங்க பொய் சொன்னால் நான் எங்க அம்மாவீட்டிற்கு போய்விடுவேன் (என் மைண்ட் வாய்ஸ் நல்லவேளைடா  அம்மாவை நம்ம வீட்டிற்கு கூட்டி வந்திடுவேன் என்று சொல்லாத வரைக்கும் நல்லதுதான்)


இல்லைம்மா நான் உன்னைப் பார்த்துதான்.....

நிறுத்துங்க நீங்க என்கிட்ட பொய் சொல்ல வறீங்க... எனக்கு தெரியும் நீங்க நேற்று பேஸ்புக்கில்  ஒரு பெண்கிட்டே நீ ரொம்ப அழகாக இருக்கே அப்படின்னு என்ன என்னவோ சொல்லி வழிந்திருக்கீங்க.....

அடியே முதலில் என்னை பேச விடுடி.... நீ ரொம்ப அழகுதானடி ஆனால் அதை பலமுறை உன்னிடம் சொல்ல வந்தும் சொல்லாமல் இருந்துவிட்டேன் காரணம் அய்யா எதற்கு நம்மை புகழ்ந்து வழிகிறார்  என்று தப்பாய்  நினைத்து கொள்வாய் என்பதால் சொல்ல வாய் வந்தும் சொல்லாமல் இருந்துவிட்டேன். அதுதான் உண்மை.. அதுமட்டுமல்ல நேற்று அந்த பெண்னிடம் அழகாக இருப்பாய் என்று வழிந்து சொன்னதற்கு உண்மை காரணம் உன்னிடம் நேரில் சொல்ல முடியவில்லை. அதனால் பேஸ்புக் மூலமாவது மனதில் நினைப்பதை சொல்லிவிடுவோம் என்று சொல்லிவிட்டேன் அதுதான் உண்மை


சரிங்க என்னிடம் நேரில் சொல்ல பயந்து ஏன் அந்த பெண்னிடம் போய் சொல்லி இருக்கீங்க அது தப்புதானே

அட லூசு அந்த பெண் நீதான் என்று எனக்கு நல்லாவே தெரியும் நீதான் பேக் பேஸ்புக் ஐடி கரியேட் பண்ணி எனக்கு ரிக்வெஸ்ட் அனுப்பி இருக்கிற?


ஆமாம் அது எப்படி நான் கரியேட் பண்ணியது என்று கண்டுபிடிச்சீங்க..


அதுவா நீதான் சரியான அப்பாவி என்று எனக்கு தெரியுமே. நீ க்ரியேட் பண்ணிய ஐடிக்கு பெயர் மட்டும்தான் மாற்றி வைத்திருக்கிற ...ஆனால் அதில் உள்ள பிறந்த நாள் ,தொடர்பு போன் நம்பர் என்று எல்லாம் உன்னை பற்றிய தகவலை கொடுத்திருக்கிற


அதுமட்டுமல்லாமல் ஐடி கிரியேட் பண்ணி ரிக்வெஸ்ட் அனுப்பிவிட்டு அந்த அக்கவுண்டை லாக் அவுட் பண்ணாமல் திறந்தே வைச்சிருக்கிறதை நான் தற்செயலாக பார்த்திட்டேன்...


ஹீஹீ சாரி மன்னிச்சுங்கோங்க நான் எவ்வளவு முட்டாளா இருக்கிறேன் பாருங்க...

ஹீஹீ நீ முட்டாளா இருந்தாலும் அழகாகத்தான் இருக்கே...
(மைண்ட் வாய்ஸ்:அடியே நீ முட்டாள் என்பதை நான் என்ன் வாயால் சொன்னால் பூரிக்கட்டை பறக்குமே  : இப்படி முட்டாளா இருப்பதால்தானே நாம் இவளை கல்யாணம் பண்ணிக் கொண்டோம்

மதுரையானந்தா பொன் மொழி : ஏமாறும் பெண்களுக்கு ஏமாற்ற தெரியாது

அன்புடன்
மதுரைத்தமிழன்